Sports
Կազեմիրոն մտադիր չէ վերադառնալ Բրազիլիայի առաջնություն
«Մանչեսթեր Յունայթեդի» կիսապաշտպան Կազեմիրոն անգլիական ակումբի հետ պայմանագրի ժամկետի լրանալուց հետո Բրազիլիա վերադառնալու ծրագրեր չունի։
«Մի օր մենք քննարկում էինք այդ հարցը, և մեր հիմնական խաղացողներից մեկը հաղորդագրություն ուղարկեց Կազեմիրոյին։ Ո՞վ չէր ցանկանա Կազեմիրոյին իր թիմում տեսնել։ Նա անմիջապես պատասխանեց, որ Բրազիլիա վերադառնալու մտադրություն չունի և ցանկանում է մնալ մեկ այլ շուկայում։ «Սան Պաուլոն» Կազեմիրոյի համար որևէ առաջարկ չի արել, և իմ կարծիքով, անխոհեմ կլինի դա անել առանց մեր կազմի մասին հստակ պատկերացման»,- AS-ը մեջբերում է «Սան Պաուլոյի» մարզական տնօրեն Ռուի Կոստայի խոսքերը։
«Մանչեսթեր Յունայթեդի» հետ Կազեմիրոյի ներկայիս պայմանագիրը լրանում է Պրեմիեր լիգայի ընթացիկ մրցաշրջանի ավարտին։ Հունվարին ակումբը հաստատեց, որ չի երկարաձգի ֆուտբոլիստի պայմանագիրը։
Կազեմիրոն այս մրցաշրջանում «Մանչեսթեր Յունայթեդի» կազմում բոլոր մրցաշարերում անցկացրել է 25 խաղ՝ խփելով հինգ գոլ և կատարելով երկու գոլային փոխանցում։