Հայ ազգային կոնգրեսը քաղաքական դաշինք չի կազմի «Ուժեղ Հայաստանի» հետ և ընտրություններին կմասնակցի առանձին

Կուսակցությունը հայտարարել է, որ փորձել է Սամվել Կարապետյանի ղեկավարած ուժի հետ ստեղծել լայն ընդդիմադիր դաշինք։

Նշվել է, որ ՀԱԿ-ը չի դրել որևէ նախապայման, սակայն դաշինքը չի կայացել իրենցից անկախ պատճառներով։

Միևնույն ժամանակ պատրաստակամություն է հայտնվել համագործակցել այլ ընդդիմադիր ուժերի հետ նաև ընտրություններից հետո։