Ռուսաստանում արգելել են Հայաստանից ներկրված հանքային ջրի մի խմբաքանակի վաճառքը։

Խոսքը 338 հազար շիշ «Ջերմուկ» հանքային ջրի մասին է, հայտնել է ՌԲԿ-ին Առաջադեմ տեխնոլոգիաների զարգացման կենտրոնի (մարկավորման օպերատոր) փոխղեկավար Ռևազ Յուսուպովը։

Ռոսպոտրեբնադզորը պահանջել է «ձեռնարկել միջոցներ՝ Ռուսաստանի Դաշնության քաղաքացիների կյանքի և առողջության հնարավոր վնասը կանխելու համար»։

Ռուսաստանում վաճառքի արգելքի տակ է հայտնվել հանքային ջուրը, որը արտադրվել է 2026 թվականի փետրվարի 17-ից մինչև մարտի 5-ը ընկած ժամանակահատվածում։