Ռուսաստանում արգելափակել են «Ջերմուկի» ևս ավելի քան 1 միլիոն շշի վաճառքը

«Չեստնի զնակ» մակնշման համակարգը՝ Ռոսպոտրեբնադզորի հանձնարարականով, արգելափակել է Հայաստանում արտադրված «Ջերմուկ» հանքային ջրի ևս մոտ 1,1 միլիոն շշի վաճառքը։ Այս մասին P5K-ին հայտնել են Ռոսպոտրեբնադզորի մամուլի ծառայությունից։

Սահմանափակումներ են մտցվել քաղաքացիների կյանքին և առողջությանը հնարավոր վնասը կանխելու համար։ Արգելափակման տակ են հայտնվել տարբեր տարաներով արտադրանքի թողարկման ինը ամսաթվեր։

Հիշեցնենք, որ ապրիլի 27-ին, արդեն իսկ դադարեցվել էր 338 հազար շշի իրացումը։