«Դպրոցի տնօրենները դիմում են գրել, բայց դեռ չեն ազատվի աշխատանքից, ծառայողական քննություն կիրականացնենք»․ Փաշինյանը՝ Ապարանում ՔՊ քարոզարշավին ուսուցիչների մասնակցության մասին

«Այն դպրոցները, որոնց հետ կապված խնդիր կա, դիմում են գրել աշխատանքից ազատման, բայց նաև որպեսզի չստացվի, որ մենք պահի տակ հանկարծ որևէ մեկի նկատմամբ անարդար վարվենք, մենք հիմա ծառայողական քննություն կիրականացնենք և որտեղ պարզվի, որ ապօրինի հրահանգ է եղել, միանշանակ կազատվեն: Ես ասել եմ, որ դիմում գրեն, եթե չեմ սխալվում 4 դպրոցի տնօրեն, որտեղից աշակերտ է ներկա եղել: Իրենք դիմում են գրել, համարել են, որ ինչ-որ խնդիր կա, այդ դիմումների մասով կլինեն ծառայողական քննություն»,- Աջափնյակում քարոզարշավի շրջանակում հրավիրված մամուլի ասուլիսի ժամանակ անդրադառնալով Ապարանում աշխատանքային ժամին ուսուցիչների՝ ՔՊ քարոզարշավին մասնակցելու փաստին, այսպես արձագանքեց ՀՀ վարչապետ Նիկոլ Փաշինյանը։