Իդրամի, Մեդիամաքսի եւ Այորդի հիմնադրամի նախաձեռնությունը Գիրք նվիրելու օրվա առթիվ

Փետրվարի 19-ին Հայաստանում նշվող Գիրք նվիրելու օրվա նախօրեին Մեդիամաքս մեդիա ընկերությունը, Այորդի հիմնադրամը եւ Իդրամը հանդես են եկել համատեղ նախաձեռնությամբ:

Իդրամի աջակցությամբ «Մեդիամաքս» լրատվական ընկերությունը բրիտանացի լրագրող Գաբրիել Գավինի «Մեր հայրերի մոխիրը» գրքի 100 օրինակը նվիրաբերել է «Աջորդի» հիմնադրամին՝ հիմնադրամի շահառուներին հետագայում փոխանցելու համար:

Գրքում հեղինակը ականատեսի աչքերով պատմում է 2020 թվականի պատերազմից հետո տեղի ունեցած իրադարձությունների մասին՝ հետպատերազմյան շրջանից մինչեւ 2023 թվականի սեպտեմբերին Արցախից հայերի արտագաղթը։

Գիրքը թարգմանվել է Mediamax-ի կողմից եւ հրատարակվել 2025 թվականի սեպտեմբերին։

«Երբ «Մեր հայրերի մոխիրը» առաջին անգամ լույս տեսավ Մեծ Բրիտանիայում, Գաբրիել Գեւինը մեզ ասաց, որ իր համար հատկապես կարեւոր է, որ այն կարդացին «սովորական» մարդիկ, քանի որ նա գրում էր նրանց մասին։ Ուրախ ենք, որ այս համագործակցության շնորհիվ կարողացանք որոշակի չափով իրականություն դարձնել Գաբրիելյանի ցանկությունը»,- նշել է Մեդիամաքսի տնօրեն Արա Թադեւոսյանը։

«Իդրամ»-ի հաղորդակցության եւ սոցիալական պատասխանատվության ծրագրերի ղեկավար Տաթեւիկ Վարդեւանյանը նշեց, որ որպես կրթությանը մեծ կարեւորություն տվող ընկերություն՝ «Իդրամը» ամեն տարի մասնակցում է Գրքի փառատոնին տարբեր ձեւաչափերով:

«Այս տարի որոշեցինք նվիրաբերել «Մեր հայրերի մոխիրը» գիրքը: Սա կարեւոր վավերագրական աշխատանք է, որը թույլ է տալիս փաստերի եւ անձնական պատմությունների միջոցով վերապրել եւ հասկանալ մեր պատմության ամենադժվար փուլերից մեկը: Համոզված ենք, որ նման գրքերը ոչ միայն տեղեկացնում են, այլեւ ձեւավորում են մտածողություն, պատասխանատվության զգացում եւ արժեհամակարգ: Ուրախ ենք աջակցել այս նախաձեռնությանը, որպեսզի գիրքը գտնի իր ընթերցողին»,- ասաց Տաթեւիկ Վարդեւանյանը։

«Այորդի» հիմնադրամի տնօրեն Վաչե Վարդանյանն ընդգծել է համագործակցության առանձնահատուկ կարեւորությունը.

«Մեզ համար այս համագործակցությունը առանձնահատուկ արժեք ունի։ Խոսքը միայն գրքերի փոխանցման մասին չէ, այլեւ երկար տարիների հուսալի համագործակցության շարունակականության մասին: Ե՛վ Մեդիամաքսը, եւ՛ Իդրամը երկար տարիներ աջակցում են Այորդի հիմնադրամին՝ յուրաքանչյուրն իր կերպ նպաստելով մեր երեխաների զարգացմանը եւ նրանց ընտանիքների աջակցությանը: Նրանց ներգրավվածությունը չի սահմանափակվում միայն մեկ նախաձեռնությամբ, այն մշտական ներկայություն է, պատասխանատվություն եւ անկեղծ ներգրավվածություն»:

ԻԴՐԱՄԸ ԿԱՐԳԱՎՈՐՎՈՒՄ Է ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԵՆՏՐՈՆԱԿԱՆ ԲԱՆԿԻ ԿՈՂՄԻՑ