«17-18 տարվա օգտագործած տարածքս քանդել են, բայց շատ ուրախ եմ»․ Աջափնյակի բնակիչը՝ Փաշինյանին

Երևանի Աջափնյակ վարչական շրջանում քաղաքացին, դիմելով վարչապետ Նիկոլ Փաշինյանին, հայտարարել է, որ ուրախ է իր կողմից 17-18 տարի օգտագործված տարածքի քանդման և բարեկարգման համար։

«17-18 տարվա իմ օգտագործած տարածքը քանդել են, բայց շատ ուրախ եմ։ Ինքս եմ ասել՝ քանդեք, բարեկարգեք»,- ասել է քաղաքացին։

Դեպքի մասին հայտնել է Երևանի քաղաքապետի խոսնակ Ջուլիետա Ազարյանը՝ նշելով, որ քաղաքի զարգացումը երբեմն պահանջում է հրաժարվել սեփական հարմարավետությունից և պատրաստակամություն ցուցաբերել հանուն ընդհանուր բարօրության։